Autonomoen berriak

Alta egin baino lehen kengarriak diren gastuak

blog image 14_aprenda_ser_mais_criativo_5_passos_noticias.jpg

Negozio edo jarduera berri bat hasten duten ekintzaileek askotan izaten duten zalantza bat argitzen saiatuko gara gaurko artikuluan. Zein gastu diren kengarriak aktibitate ekonomikoa hastean eta zein unetik hasten diren kengarriak izaten. Jarduera batzutan normala den bezala, hasi baino lehen gastuak izaten ditugu, lokalaren prestaketa eta berritze lanak, lizentzia desberdinen ordainketak, merkatu ikerketak etaba.

Halako kasuetan gauzak ongi egiteko, Ogasuenean jarduera bat hasteko intentzioa dugula eta hasi baino lehen gastu batzuk izango ditugula adierazi beharko genuke. Hau deklarazio zentsal bat, 036 eredua, aurkeztuz egiten da eta bertan “eragiketak hasi aurreko aitorpena” dela adierazi beharko degu.

Momentu hortatik aurrera edukiko ditugun gastuak kengarriak izango dira, baina kondizio batzuk bete beharko ditu noski. Gastu horiek fakturaz justifikatuak egon beharko dira gure izen-abizen eta DNIa Berta ageri delarik. Gainera bai BEZan eta errentan kengarria izateko jarduerari guztiz lotutako gastua izan behar du. Alta hau egin ondoren betebehar fiskal batzuk ere sortzen direla kontuan hartu behar dugu. Hiruhilero BEZ aitorpena egin beharko da eta urte horretako Errenta Deklarazioan ere kontuan hartu beharko dira gastu horiek.

Hau da Ogasunak gure negozio berria hasi aurreko gastuak onartzeko era bakarra, eta horregatik Gipuzkoautonomotik zuen jarduera berria hasi baino lehen aholkulari batengana joatea gomendatzen dizuegu. 

Utzi zure iruzkina